Hanai a mautolu mai he atu Pasifika: Amelika Samoa, Atu Luga/Kuki Island, atu motu Timoa Uta, tau Atu motu Micronesia, atu motu ko Fiti, Atu motu Tahiti, Kuama, Hawaii, atu Kilipati, Atu Motu Marshall Islands, Naulu, Niu Kaletonia, Niue, atu motu Marianas, Palau, Papua Niu Kini, Samoa, Atu Solomona, Tokelau, Tonga, Tuvalu, Vanuatu, Atu Ualisi mo Futuna. Ko e tau tauteaga kupega hila nai faka atu motu kua talaga pauaki ke lata mo lautolu ka fakaaoga mo e ha lautolu ni a tau manako ka e fakamahao ke he tau iloaaga he matakavi he lalolagi, I lalo hifo he GBIF e puletonu ke he tau fakaaogaaga. To fakatoka e lautolu e tau mena iloa ne kua tolomaki e tau iloaaga ke he tau puhala kumikumi, tau fakakiteaga ke he tau mepe mo e tau ata fakatino ne kua poki foki he tau vahega mena ne kua manako ke fakatātā he GBIF. Ko e tau matakau he tau kautū ne kua fifili pauaki he atu motu ma lautolu ka gahua auloa ke he tau mena iloa he tau mena momoui he atu motu mo e tatanaki e tau mena iloa oti ia ti talaga e tau puhala ke fakatoka e tau mena iloa he tau mena momoui ia. Ko e gahua lahi a nai ha ko e tatanakiaga he tau mena iloa he motu, tau aoga pulotu, tau atu motu , ti fakavahega ke he tau vahega mena momoui. Ha kua manako falu ia lautolu ke fakaaoga e tau lotomatala nai, mo e ke fakamukamuka foki e falu mena ke fakaaoga a lautolu, haia ne fae gahua ki ai e matapatu Ofisa he GBIF ke maeke ia lautolu ke fakaaoga. Kua manako e Matapatu Ofisa he magaaho nai ke tuku atu ki ai e tau higoa ha lautolu ne kua manako ke fakaaoga fakataitai e tau kupega hila faka atu motu ko lautolu kua kua fifili pauaki; ke he taha e tau he loa.

Ko e tau mena ka moua mai he tau tauteaga he kupega hila he matakau fifili pauaki?

Ko e magaaho tonu nai ke lata mo e fakaaogaaga fakataitai:

• Ko e la-ofisa gahua ke fakaputu mo e talahau ko hai a lautolu, ko e tau tagata kua kaufakalataha ke he fekau, mo e tau gahua ha lautolu (fakatātā e tau ata moe tau fakatino fakamotu)
• Tau vahega fakamailoga ke lata mo lautolu ni,( ko e tau vahega lanu mo e tau fakatino ka fakaaoga). Maeke ke fakaliliu e tala ke he taha vagahau foki( ka moua mai ia lautolu ka fakaaoga ka e nakai ko e vagahau palagi Pelitania)
• Ko e tau kumkumi ka fai fakatolomakiaga e hokulo he kumikumi, pihia foki e tau mepe fakatino, mo e tau ata fakatino kehekehe, kua fakavahega ke he tau vahega mena momoui, tuga he kupega GBIF.org.To fakamaopoopo e tau talahauaga ke muitua ke he tau talahauaga he GBIF ne kua fakavahega, po ke kua tohia fakamau he tau matakau he motu. Ko e tau talahauaga ia ko e tau mena ne kua tohia, kua fai tiviaga foki ke he mitaki mo e hako he tau talahauaga faka-GBIF.org
• Ko e tau talahauaga ka moua, to liuaki ke he GBIF.org to maeke ke utakehe mai he GBIF ke hako e tau mena ka fakaaoga.

Ko e heigoa e GBIF?

Ko e Potaaga he Tau Talahauaga he tau Mena Momoui oti he Lalolagi ne kua kaufakalataha e tau Fakatufono oti he lalolagi mo e tau amaamanakiaga ke fakaaoga he tau tagata oti he lalolagi.

Ko e ha lautolu a kupega hila www.gbif.org/what-is-gbif.